මිහිමතින් වඳවී ගිය සතෙකුට පණ දුන් පළමු අවස්ථාව
මේ ලෝකේ ජීවත් වුණු විද්‍යාඳයෝ පුරා වසර ගණනාවක් එක්තරා පරීක්ශනයක් කළා. ඒ මීට වසර ගණනාවකට පෙර වඳවී ගිය ඩයිනෝසිරස්ලට නැවත ජීවය ලබා දෙන්න පුළුවන් ක්‍රමයක් තිබෙනවාද යන්න සොයන එක.
මෙන්න මේ උත්සාහයේ ප්‍රතිඵලයක් ලෙස ඩයිනෝසිරස්ලට නැතත් ආසන්න වශයෙන් වසර 13,000 කට පෙර මිහිපිටින් සඳහටම වඳවී ගිය බවට සැලකෙන වෘක විශේෂයක් වන Dire wolf ලට ජීවය දෙන්න විද්‍යාඥයින්ට හැකියාව ලැබී තිබෙන පුවතක් වාර්තා වෙනවා.
ලෝකය පුරා උන්මාදයක් වුණු Game of Thrones ටෙලි කතාවේ රසිකයෙක්ට නම් මේ Dire wolf සතුන් පිළිබඳ පැහැදිලි අදහසක් හිතේ නිර්මාණය කරගන්න පුළුවන් වෙයි.
මේ සාර්ථක පර්යේෂණය සිදුකරලා තියෙන්නේ, එක්සත් ජනපදය මූලික කරගත්ත Colossal’s Dallas රසායනාගාරයේදීයි.
වර්තමානයේ දකින්න ලැබෙන අළු වෘක ධේනුවකගේ ඩිම්බ සෛලවල DNA අඩංගු න්‍යෂ්ටි කොටස ඉවත් කරලා වඳවී ‘Dire wolf’ වෘකයන්ගේ ෆොසිලයකින් ඔවුන්ගේ ජානමය ව්‍යුහයට අනුව එය යළි නිර්මාණය කිරීමට විද්‍යාඥයෝ සමත් වෙලා තිබෙන බව විදෙස් මාධ්‍ය වාර්තා කර තිබෙනවා.
ඒ වගේම, මිහිමතින් වඳවී ගිය සතෙකුට මේ අයුරින් පණ දුන් පළමු අවස්ථාව ලෙස මෙය ඉතිහාස ගත වෙනවා.
‘මෙහිදී, ඩයර් වුල්ෆ්’ වෘකයන්ගේ ජානමය ව්‍යුහයට අනුව සකස් කළ එම බීජාණු, සුරතල් බැල්ලකගේ ගර්භාෂයේ තැන්පත් කරලා පසුව පැටවුන් ලබා ගැනීම සිදු කරලා තියෙනවා.
ඒ අනුව, සුදු පැහැතිිඩයර් වුල්ෆ්’ වෘක පැටවුන් තිදෙනෙකුට පණ දීමට විද්‍යාඥයන් සමත් වෙලා තිබෙන අතර, එම පැටවුන් කලේසි, රොමියුලස් සහ රීමස් යනුවෙන් නම් කර තිබෙන බව සඳහන් වෙනවා.
