අවුරුදු 5000 ක් ගියත් සුවඳ අඩු වෙලා නෑ
පුරාණ ඊජිප්තුවේ මමීකෘත සිරුරු ඇති ගල් මිනී පෙට්ටිවල වසර 5,000 කට පසුවත් හොඳ සුවඳක් ඇති බව විද්‍යාඥයින් විසින් සොයාගෙන තිබෙනවා.
සිරුරු මමීකරණය කිරීමේ ක්‍රියාවලියේදී, පුරාණ ඊජිප්තුවරුන් ශරීරය සුවඳ ද්‍රව්‍යවලින් පුරවනවා. ඔවුන් මෙය සිදු කළේ, මරණයෙන් පසු මරණින් මතු ජීවිතයට ඇතුළු වීමට ආත්මය සූදානම් කිරීමේ වැදගත් කොටසක් ලෙසයි.
පුරාණ ඊජිප්තුවේ සමාජීය, ආගමික සහ පෞද්ගලික පිළිවෙත් සඳහා සුවඳ අත්‍යවශ්‍ය වී තිබෙනවා. මේ අනුව, අතීතයේදී රජවරුන්ගේ සහ අනෙකුත් වංශාධිපතීන්ගේ සිරුරු සුවඳ තෙල්, ඉටි සහ බාම්වලින් පුරවා සකස් කර තිබෙනවා.
පර්යේෂකයන් මෙවැනි මමී 9 ක් පරීක්ෂා කර ඇති අතර සුවඳ හඳුනා ගත් ඒවායේ යම් යම් වෙනස්කම් තිබුණු බව කියනවා.
ඒපී ප්‍රවෘත්ති ඒජන්සියට අදහස් දක්වමින් මෙම පර්යේෂණ කණ්ඩායමේ සාමාජිකාවක වන මැටිජා ස්ට්‍රිච් පවසා තිබෙන්නේ, සුවඳ මගින් අදාළ මමිය අයත් වන්නේ කුමන සමාජ පන්තියට ද යන්න පවා දැක්විය හැකි බවයි.
