මේ තරම් වේගෙකින් බිමින් යන්න පුළුවන්ද?
චීනය විසින් ලොව වේගවත්ම අධිවේගී දුම්රියේ මූලාකෘතිය ඊයේ (29) බෙයිජිංහි දී එළිදක්වා තිබෙනවා.
CR450 අංක දරන එම දුම්රියෙහි ධාවන වේගය, බලශක්ති ධාරිතාව, මැදිරිවල ශබ්දය සහ තිරිංග දුර වැනි ප්රධාන දර්ශක ජාත්යන්තර තත්ත්ව යටතේ ප්රමුඛස්ථානයක පවතින බව වාර්තා වෙනවා.
මෙම අධිවේගී දුම්රිය පරීක්ෂණ තත්ව යටතේ පැයට කිලෝමීටර් 450 ක වේගයක් පෙන්නුම් කර ඇති අතර, සාමාන්ය ධාවන වේගය පැයට කිලෝමීටර් 400 කි.
මෙම දුම්රිය අනාගතයේ දී වාණිජ මට්ටමට රැගෙන ඒමෙන් පසු, ගමනාන්ත සඳහා ගත වන කාලය වෙනස් කිරීමේ හැකියාවද පවතින අතර, එමඟින් මගීන්ගේ ගමන් සඳහා වැඩි පහසුවක් හා කාර්යක්ෂමතාවයක් ගෙන ඒමට ද අපේක්ෂා කෙරෙනවා.
