දිනය උදාවුවත් පාළුවට ගිය බෙත්ලෙහෙම
කිතු සමිඳාණන්ගේ උපත සිහිපත් කෙරෙන අසිරිමත් නත්තල ඊයේ (24) මැදියම් රැයෙන් උදා වුණා.
නමුත් මෙවරත් ජේසුස් ක්රිස්තූස් වහන්සේ උපන් බෙත්ලෙහෙම් නගරයේ මෙවරත් තන්තල් සැමරීමක් සිදුනොවෙන බව වාර්තා වුණා. ඊට හේතුව ලෙස බෙත්ලෙහෙම් නගරාධිපතිවරයා පවසන්නේ පලස්තීන වැසියන්ට එරෙහිව සිදුවන අයුක්තියට විරෝධය පළකරමින් මෙලෙස සැමරුම් අත්හිටුවා ඇති බවයි.
තත්තල් සමයේදී සාමාන්යයෙන් සංචාරකයන්ගෙන් පිරීයන යුනෙස්කෝ ලෝක උරුමයක් වන බෙත්ලෙහෙම නගරය හුදකලාවීම ආරම්භ වූයේ 2023 ඔක්තෝම්බර් 7 වනදා සිදුවූ හමාස් ප්රහාරයෙන් පසුවයි.
නත්තල් උදාව වෙනුවෙන් ශුද්ධෝත්තම ප්රැන්සිස් පාප් වහන්සේ සහභාගි වන ප්රධාන දේව මෙහෙය වතිකානයේ ශාන්ත පීතර බැසිලිකාවේ දී පැවැත්වෙනවා.
නත්තල උදාවු ඊයේ මධ්යම රාත්රීයේ ලොවපුරා කෝටි සංඛ්යාත කිතුණු බැතිමතුන් මෙන්ම මෙරට කිතුණු දෙව්මැදුරුවලද දේව මෙහෙයන් පැවැත්වුණු බව දක්නට ලැබුණා.
මෙවර ශ්රී ලංකාවේ ප්රධාන නත්තල් දේව මෙහෙය අතිඋතුම් මැල්කම් කාදිනල් රංජිත් හිමිපාණන්ගේ ප්රධානත්වයෙන් ඊයේ රාත්රී 11.40 සිට ජා ඇළ වික්ෂෝප දේව මාතා දේවස්ථානයේදී පැවැත්වුණා.
ආත්මාර්තකාමීත්වයෙන් බැහැරව අධ්යාත්මික මංගල්යක් ලෙස සලකා මෙවර නත්තල සැමරීමට සියලු දෙනා වගබලා ගත යුතු බව සිය නත්තල් දින පණිවුඩය නිකුත් කරමින් අතිඋතුම් මැල්කම් කාදිනල් රංජිත් හිමිපාණන් ප්රකාශ කර සිටියා.
